بالی ووڈ اداکارہ سشمیتا سین اور آئی پی ایل کے بانی اور نامور بزنس مین للت مودی کے بریک اپ کی خبریں سوشل میڈیا پر گردش کر رہی ہیں۔

گزشتہ کچھ دنوں سے یہ خبریں گردش کر رہی ہیں کہ سشمیتا سین اور للیت مودی کے درمیان تعلقات کچھ ٹھیک نہیں ہیں اور اب خبر آئی ہے کہ دونوں کا بریک اپ ہوگیا ہے کیونکہ للیت مودی نے انسٹاگرام پر اپنا بائیو اور تصویر تبدیل کرلی ہے۔

واضح رہے کہ للیت مودی نے اداکارہ سشمیتا کے ساتھ اپنے تعلق کی بات ایک پوسٹ کے ذریعے 14 جولائی کو بتائی تھی لیکن اب للیت مودی نے اپنے انسٹاگرام بائیو سے سشمیتا کا ذکر ہی حذف کر دیا ہے اور تصویر بھی تبدیل کر دی ہے۔

سشمیتا سین اور للیت مودی نے اب تک ان خبروں سے متعلق کوئی بیان جاری نہیں کیا جبکہ کئی مرتبہ اداکارہ سشمیتا کو ان کے سابق بوائے فرینڈ روہمان کے ساتھ دیکھا گیا تھا۔

اس سے قبل سشمیتا سین کے مداح نے اداکارہ کے لیے تحائف اور خط ان کے گھر بھیجے تھے۔

غیر ملکی خبر رساں ادارے کے مطابق اداکارہ ششمیتا گزشتہ ماہ سے سیرو تفریع کے لیے کسی اور ملک گئی ہوئی تھیں۔

تاہم اداکارہ سشمیتا ایک ماہ بعد گھر واپس آگئی اور جب اداکارہ گھر واپس آئی تو انہوں نے اپنے گھر پر اپنے مداح کے جانب سے بھیجے گئے تحائف اور خط کو دیکھا۔

اداکارہ ششمیتا نے فوٹو اینڈ ویڈیو شئیرنگ ایپ انسٹاگرام پر ایک تصویر بھی پوسٹ کی تھی۔

انسٹاگرام پر پوسٹ کی جانے والی تصویر میں تحائف پھول اور کارڈ کو رکھا دیکھا گیا تھا۔

اداکارہ نے انسٹاگرام پوسٹ کے کیپشن میں لکھا تھا کہ تقریبا ایک ماہ کے سفر کے بعد گھر واپس۔

تاہم مداح کے جانب سے اداکارہ کو بھیجے گئے خط میں لکھا تھا کہ پیاری سشمیتا سین میڈم جب میں مسکرانا چاہتی ہوں تو صرف آنکھیں بند کر کے آپ کے بارے میں سوچتا ہوں اور میرے چہرے پر مسکراہٹ آجاتی ہے۔

واضح رہے کہ سشمیتا سین 1994 میں مس یونیورس کا خطاب حاصل کر چکی ہیں۔