پاکستان شوبز انڈسٹری کی مشہور اداکارہ زرنش خان اکثر سوشل میڈیا پر متحرک نظر آتی ہیں اور اپنی نت نئی تصاویر شیئر کرتی رہتی ہیں لیکن کئی بار انہیں تنقید کا بھی سامنا کرنا پڑتا ہے۔

حال ہی میں معروف اداکارہ کی کچھ تصاویر سوشل میڈیا پر وائرل ہوئیں جنہیں دیکھنے کے بعد صارفین نے انہیں آڑے ہاتھوں لے لیا۔

وائرل تصاویر میں دیکھا جاسکتا ہے کہ زنش خان نے سرخ رنگ کا انتہائی غیر مناسب لباس زیب تن کیا ہوا ہے جبکہ انہوں نے اپنے بالوں کو کھلا چھوڑا ہوا ہے۔

اداکارہ کی تصاویر سوشل میڈیا پر وائرل ہوئیں تو صارفین کی جانب سے سخت ردعمل دیکھنے کو ملا، کسی نے ان کے لباس پر تنقید کی تو کسی نے ان کے اس انداز کو بے شرمی قرار دیا۔

واضح رہے کہ زرنش خان نے ڈرامہ سیریل ’سن یارا‘، ’دے اجازت‘ اور کئی مشہور ڈراموں میں اپنی اداکاری کے جوہر دکھائے۔