پاکستان شوبز انڈسٹری کی نامور ماڈل اور ٹی وی اداکارہ رابعہ بٹ کا برائیڈل فوٹوشوٹ سوشل میڈیا پر وائرل ہو گیا ہے۔

حال ہی میں اداکارہ نے اپنے انسٹاگرام اکاؤنٹ پر چند تصاویر پوسٹ کی ہیں جنہیں مداحوں کی جانب سے خوب پسند کیا جارہا ہے۔

شیئر کی گئی تصاویر میں دیکھا جاسکتا ہے کہ اداکارہ نے خوبصورت لباس زیب تن کیا ہوا ہے۔

رابعہ بٹ نے دلہن بنی اپنی ایک تصویر شیئر کی تھی، جس میں اُن سے مداحوں کی جانب سے مزید شادی کی تصاویر شیئر کرنے کی فرمائش کی گئی تھی۔

رابعہ بٹ نے اپنے کمال حسِ مزاح کا استعمال کیا اور ایک مداح کو جواب دیا کہ پہلے لوگ شادی کا کھانا مانگتے تھے اب تصاویر مانگتے ہیں۔

واضح رہے کہ سوشل میڈیا پر ماڈل کے حوالے سے شادی کی  یہ افواہیں بےبنیاد نکلیں، جس تصویر پر انہوں نے شادی کی مبارکباد پر مداح کا شکریہ ادا کیا ، وہ برائیڈل کٹیور ویک کی ہے جس کا انعقاد گزشتہ برس دسمبر میں ہوا تھا۔