ٹک ٹاک اسٹار کنول آفتاب کی گود بھرائی رسم کی تصاویر سوشل میڈیا پر وائرل ہو گئی ہیں۔

حال ہی میں ٹک ٹاک اسٹار کنول آفتاب نے اپنے انسٹاگرام پر اپنی گود بھرائی تقریب کی تصاویر پوسٹ کی ہیں جن کو دیکھنے کے بعد وہ صارفین کی جانب سے شدید تنقید کا شکار ہیں۔

سوشل میڈیا صارفین میں کسی نے اسے بے حیائی قرار دیا تو کسی کے نزدیک اس چیز کی نمائش انتہائی غیر ضروری اور نا مناسب تھی۔

کنول نے اپنی اس رسم میں لال رنگ کی میکسی جبکہ ذوالقرنین نے سفید رنگ کا کرتا اور کریم رنگ کی ویس کوٹ پہن رکھی تھی۔

کنول نے روایتی انداز میں سر پر ایک دوپٹہ بھی پہنا ہے جس پر دعائیں لکھی ہیں، ان کے دوپٹے پر 4 مرتبہ سدا خوش رہو لکھا ہوا ہے۔

ساتھ ہی ان کی مہندی پر دو تصاویر بنی ہوئی ہیں ایک میں ماں اور بچہ جبکہ دوسری میں میاں بیوی ہیں۔

ان کی یہ تصاویر سب سے زیادہ پسند کی جارہی ہیں، مہندی میں تصویروں کا آرٹ راجستھانی اسٹائل ہے جس کے ریٹ مارکیٹ میں سادہ مہندی سے زیادہ ہیں۔

واضح رہے کہ کنول آفتاب اور ذوالقرنین ٹک ٹاکر جوڑی پاکستان بھر میں مقبول ہیں اور اب کے ہاں کچھ ہی دنوں میں ننھے مہمان کی آمد ہونے والی ہے۔