2020 میں پہلی بار پاکستان انٹرنیشنل اسکرین ایوارڈز (پیسا) کی تقریب  دبئی میں منعقد ہوئی اس کے بعد یہ ہر سال ہوتی ہے جس میں فنکاروں کو ان کی بہترین اداکاری پر ایوارڈز دے کر ان کی کارکردگی کو سراہا جاتا ہے۔

 پیسا ایوارڈز کی تقریب منعقد ہوئی جس میں کئی فنکاروں نے شرکت کی اور اپنی پرفارمنسز سے تقریب کو چار چاند لگائے۔

اسی دوران پاکستان کی معروف اداکارہ ایشال فیاض نے ڈانس کیا جس کے بعد وہ ناقدین کے نشانے پر آگئیں۔

اداکارہ کے ڈانس کی ویڈیو سوشل میڈیا پر وائرل ہوئی جس میں دیکھا جاسکتا ہے کہ انہوں نے نیلے اور سیاہ رنگ کا انتہائی غیر مناسب لباس زیب تن کیا ہوا ہے اور مردوں کے ساتھ ڈانس کر رہی ہے جس کے بعد صارفین کی جانب سے سخت ردعمل سامنے آیا۔

ایشال فیاض کی ویڈیو سوشل میڈیا پر وائرل ہوئی تو کسی نے کہا کہ ہمارا کلچر اس چیز کی اجازت ہرگز نہیں دیتا تو کسی نے کہا کہ پاکستان میں بھارتی فلموں اور ڈراموں کی کاپی کی جارہی ہے۔

واضح رہے کہ ایشال فیاض نے ’کاف کنگنا‘، ’پیمانے‘ اور کئی مشہور فلموں اور ڈراموں میں اپنی اداکاری سے مداحوں کو متاثر کیا۔