پاکستان کی معروف اداکارہ یشمیٰ گل کی نئی ویڈیو سوشل میڈیا پر وائرل ہو گئی ہے۔

اداکارہ  کی جانب سے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی گئی ہے۔

شئیر کی گئی ویڈیو میں اداکارہ نے پیلے رنگ کا غرارا پہنا ہوا ہے جس میں وہ بہت حسین لگ رہی ہیں اور ساتھ میں مشہور بھارتی گانا بھی سنا جاسکتا ہے۔

ویڈیو کو شئیر کرتے ہوئے انہوں نے کیپشن میں لکھا کہ اگر وہ آپ سے شادی نہیں کرتا تو آپ کیا کریں گے؟

یشمیٰ گل کی ویڈیو کو مداحوں کی جانب سے بہت پسند کیا جارہا ہے اور مختلف تبصروں کا سلسلہ بھی جاری ہے۔

اس سے قبل اداکارہ یشمیٰ گل اور اداکارہ عریشہ رضی کی ڈانس ویڈیو نے سوشل میڈیا پر تہلکہ مچادیا تھا۔

سوشل میڈیا پر ایک ویڈیو وائرل ہوگئی تھی جس میں دونوں اداکاراؤں کو بھارتی گانے پر ڈانس کرتے ہوئے دیکھا گیا تھا۔

ویڈیو میں یشمیٰ گل اور عریشہ رضی گانے پر ایک جیسے پوز دے رہی تھیں جسے مداحوں کی جانب سے بہت پسند کیا گیا تھا اور تعریفوں کا سلسلہ بھی جاری تھا۔

گزشتہ دنوں اداکارہ نے ٹک ٹاک پر اپنی ایک ویڈیو شئیر کی تھی جس میں انہیں بالی ووڈ کے مشہور گانے کالا چشمہ پر ڈانس کرتے ہوئے دیکھا گیا تھا۔

یاد رہے کہ اداکارہ سوشل میڈیا پر کافی متحرک نظر آتی ہیں اور اکثر اپنی ویڈیوز اور تصاویر شیئر کرتی رہتی ہیں جنہیں مداحوں کی جانب سے خوب پسند کیا جاتا ہے۔