بھارت کے معروف کامیڈین و اداکار راجو شری واستو 58 سال کی عمر میں انتقال کر گئے۔

بھارتی میڈیا کے مطابق راجو شری کے اہلخانہ نے کامیڈین کے انتقال کی تصدیق کی ہے۔

واضح رہے کہ راجو شری واستو کو 10 اگست کو ورزش کے دوران اچانک دل میں تکلیف محسوس ہوئی جس کے باعث انہیں طبی امداد کے لیے اسپتال منتقل کیا گیا جہاں ڈاکٹرز نے تصدیق کی کہ انہیں دل کا دورہ پڑا ہے۔

معروف کامیڈین کافی عرصے تک وینٹیلیٹر پر رہے جہاں ڈاکٹرز اور اسپتال انتظامیہ نے اپنا کام نہایت جانفشانی سے کیا۔

راجو شری  واستو نے مقامی لافٹر شو سے شہرت حاصل کی جس کے بعد وہ سیاست میں بھی سرگرم ہوگئے۔

معروف کامیڈین کا شمار اس وقت بی جے پی کے اہم رہنماؤں میں ہوتا ہے، راجو شری واستو پارٹی کے کچھ اہم رہنماؤں سے ملاقات کے لئے دہلی پہنچے تھے جہاں ان کو دل کا دورہ پڑا۔