بھارتی کرکٹ ٹیم کے سابق کپتان ورات کوہلی اور ان کی اہلیہ بالی وڈ اداکارہ انوشکا شرما نے اپنی شادی کے پانچ سال بعد زندگی کا انتہائی اہم فیصلہ کرلیا ہے۔

بھارتی میڈیا کے مطابق ورات کوہلی اور انوشکا شرما نے ممبئی میں ایک ریسٹورنٹ کھولنے کا اعلان کر دیا ہے۔

ریسٹورنٹ کے لئے ورات اور انوشکا نے جوہو میں واقع آنجہانی اداکار و گلوکار کشور کمار کے بنگلے ’گوری کنج‘ کا ایک حصہ لے لیا ہے جہاں وہ ریسٹورنٹ کھولیں گے۔

سابق کپتان کو ریسٹورنٹ بنانے کے لیے 5 سال کی لیز ملی ہے، ریسٹورنٹ کی تیاریاں تقریباً مکمل ہو چکی ہیں اور کسی بھی وقت اس کا افتتاح کر دیا جائے گا۔

واضح رہے کہ بھارتی کرکٹ ٹیم کے سابق کپتان ورات کوہلی اِس وقت متحدہ عرب امارات میں جاری ایشیا کپ میں بھارتی کرکٹ ٹیم کا حصہ ہیں۔

خیال رہے کہ سابق کپتان کی اہلیہ بالی وڈ اداکارہ انوشکا شرما سوشل میڈیا پر کافی متحرک نظر آتی ہیں اور اکثر اپنی تصاویر اور ویڈیوز شیئر کرتی رہتی ہیں۔

اداکارہ کی شیئر کی گئی تصاویر اور ویڈیوز کو سوشل میڈیا صارفین کی جانب سے خوب پسند کیا جاتا ہے۔