پاکستان شوبز انڈسٹری کی اداکارہ و معروف میزبان عفت عمر نے اداکار فیروز خان پر کڑی تنقید کی ہے۔

حال ہی میں پاکستان شوبز انڈسٹری کے مشہور و معروف اداکار فیروز خان کی اپنی اہلیہ سیدہ علیزے سے علیحدگی ہوگئی۔

علیحدگی کے بعد فیروز خان کی سابقہ اہلیہ علیزے سلطان خان نے ان کے ساتھ چار سال سے جاری بدسلوکی کے بارے میں کھل کر بات کی۔

علیزے سلطان نے کہا کہ بعض اوقات مجھے گھریلو تشدد کا بھی سامنا کرنا پڑتا ہے۔

انہوں نے کہا کہ انہیں اپنے بچوں کے مستقبل کی وجہ سے طلاق کا انتخاب کرنا پڑا، میں اپنے بچوں کی پرورش خراب ماحول میں نہیں کرنا چاہتی۔

علیزہ سلطان خان نے اپنے انسٹاگرام پر پوری کہانی بیان کرتے ہوئے لکھا کہ ہماری چار سال کی شادی سراسر افراتفری کا شکار تھی۔

اس عرصے میں مسلسل جسمانی اور نفسیاتی تشدد کے علاوہ مجھے اپنے شوہر کے ہاتھوں بے وفائی، بلیک میلنگ اور رسوائی بھی برداشت کرنی پڑی۔

غور و فکر کے بعد میں اس افسوسناک نتیجے پر پہنچی ہوں کہ میں اپنی پوری زندگی اس ہولناک طریقے سے نہیں گزار سکتی، میرے بچوں کی فلاح و بہبود نے اس فیصلے میں اہم کردار ادا کیا ہے۔

 انہوں نے لکھا کہ میں نہیں چاہتی کہ وہ زہریلے، غیر صحت مند اور پرتشدد گھرانے میں پروان چڑھیں، مجھے ڈر ہے کہ ان کی ذہنی نشوونما اور زندگی کا نقطہ نظر اس طرح کے مخالف ماحول کے سامنے آنے سے منفی طور پر متاثر ہوگا۔

اہلیہ کا بیان سامنے آنے کے بعد اداکارہ عفت عمر نے بھی فیروز خان کو آڑے ہاتھوں لے لیا۔

عفت عمر نے جاری سوشل میڈیا پیغام میں لکھا کہ “میں مکمل طور پر فیروز کی اہلیہ (علیزا ) کے ساتھ ہوں، فیروز خان کے ساتھ کام کر چکی ہوں لہٰذا باآسانی بدسلوکی کو تصور کر سکتی ہوں”۔