بالی وڈ کی مشہور اداکارہ اور ڈانسر نورا فتیحی اکثر سوشل میڈیا پر متحرک نظرآتی ہیں اور ان کی اکثر کچھ دلچسپ ویڈیو ز وائرل ہوتی رہتی ہیں۔

حال ہی میں معروف اداکارہ کی ایک ویڈیو سوشل میڈیا پر وائرل ہوئی جس نے مداحوں کے چہرے پر ہنسی بکھیر دی۔

ویڈیو میں دیکھا جاسکتا ہے کہ بھارتی شو ’جھلک دکھلاجا‘کے میزبان دنیش پول اداکارہ کو کہتے ہیں کہ میں آپکا بہت بڑا فین ہوں جس پر نورا فتیحی کہتی ہیں کہ میں بھی خود کی بہت بڑی فین ہوں۔

اداکارہ کی یہ ویڈیو سوشل میڈیا پر وائرل ہوئی تو صارفین کو ان کا یہ جواب بہت پسند آیا اور کہا کہ آپ کو خود کا فین ہونا بھی چاہیئے۔

واضح رہے کہ نورا فتیحی نے ’باہوبلی‘، ’اسٹریٹ ڈانسر اور کئی مشہور فلموں میں اپنی اداکاری سے مداحوں کو متاثر کیا۔