پاکستان کی اُبھرتی ہوئی اداکارہ صرحہ اصغر کے ہاں ننھے مہمان کی آمد جلد متوقع ہے۔

صرحہ اصغر نے فوٹو اینڈ ویڈیو شیئرنگ ایپ انسٹاگرام پر اپنے شوہر کے ساتھ ویڈیو شیئر کرتے ہوئے مداحوں کو یہ خوشخبری دی ہے۔

ویڈیو میں اداکارہ اپنے شوہر کے ساتھ بچے کی شرٹ پکڑے ہوئے ڈانس کر رہی ہیں۔

اُنہوں نے ویڈیو شئیر کرواتے ہوئے لکھا کہ ہماری فیملی میں دسمبر 2022 تک ایک فرد کا اضافہ ہونے والا ہے۔

اداکارہ کی اس پوسٹ پر مداحوں کی جانب سے اُنہیں مبارکباد موصول ہورہی ہیں۔

واضح رہے کہ اُنہوں نے جنوری 2021ء میں اپنے دوست عمر لالہ سے شادی کرلی تھی۔