اسکن الرجی کی وجہ سے اداکارہ نادیہ حسین کو پہچاننا مشکل ہوگیا ہے۔

حال ہی میں اداکارہ نے اپنے انسٹاگرام اکاؤنٹ پر ایک ویڈیو پوسٹ کی ہے جس کے کیپشن میں انہوں نے لکھا کہ میں نے میک اپ اتارا تو میرا چہرہ ایسا ہو گیا۔

ویڈیو میں دیکھا جاسکتا ہے کہ اداکارہ میک اپ کے بغیر ہیں اور ان کے چہرے پر سرخ دانے اور سیا ہ دھبے ہیں۔

ویڈیو پر سوشل میڈیا صارفین کی جانب سے تبصروں کا سلسلہ جاری ہے۔

اس سے قبل نادیہ حسین کی مزاحیہ ویڈیو سوشل میڈیا پر وائرل ہو گئی تھی۔

سوشل میڈیا کے مختلف پیجز پر ایک ویڈیو وائرل ہو گئی تھی جسے  دیکھ کر لگا تھا کہ نادیہ حسین بھی بجلی کے بڑھتے ہوئے بل سے تنگ آچکی ہیں۔

انہوں نے ایک مزاحیہ ویڈیو بنائی تھی جس میں اداکارہ کو ایک ڈائیلاگ پر لپسنگ کرتے ہوئے دیکھا گیا تھا ۔

وائرل ویڈیو کو نادیہ حسین کے مداحوں کی جانب سے بہت پسند کیا گیا تھا ۔

گزشتہ دنوں نادیہ حسین نے خواتین کو مشورہ دیا تھا کہ جیسے ہی وہ اپنی جسامت میں تبدیلیاں محسوس کریں تو انہیں فوری طور پر خون کے چند ٹیسٹ کروانے چاہئیے۔

نادیہ حسین نے انسٹاگرام پر ایک ویڈیو شیئر کی تھی، جس میں انہوں نے خواتین سے مخاطب ہوتے ہوئے بتایا تھا کہ میرا وزن بڑھتا ہوا محسوس ہوا اور کمر کے اردگرد چربی جمع ہونا شروع ہوگئی۔

انہوں نے بتایا کہ چربی جمع ہونے کے علاوہ انہیں ورزش کے دوران بھی جلد تھکاوٹ ہورہی تھی اور مجموعی طور پر انہیں متعدد تبدیلیاں محسوس ہوئیں جس پر معالج سے رجوع کرنے کا فیصلہ کیا۔

نادیہ حسین کا کہنا تھا کہ جب انہوں نے معالج کی ہدایات پر خون کے چند ٹیسٹ کروائے تو معلوم ہوا کہ ان کے تھائیراڈ کے کچھ ہارمونز میں کمی کے علاوہ ان میں آئرن، وٹامن ڈی اور وٹامن بی 12 کی کمی پائی گئی۔

انہوں نے بتایا کہ وٹامنز کی کمی کی تشخیص کے بعد سپلمینٹس اور مذکورہ وٹامنز سے بھرپور غذائیں کھانا شروع کردی ہیں اور اب وہ بہتری محسوس کر رہی ہیں۔

ماڈل نے مداحوں اور خصوصی طور پر خواتین کو مشورہ دیا کہ وہ اپنی جسامت اور طبیعت میں تھوڑی سی تبدیلی کے بعد خون کے چند ٹیسٹ کرواکر اپنی صحت کا خیال رکھیں۔

ویڈیو پر کئی لوگوں نے کمنٹس کرتے ہوئے ان کی تجاویز کو سراہا اور ان کی جانب سے کہی گئی باتوں کو فائدے مند معلومات قرار دیا۔