بالی ووڈ اداکارہ روینہ ٹنڈن نے اکشے کمار سے متعلق بڑا انکشاف کیا ہے۔

اداکارہ روینہ ٹنڈن نے ایک انٹرویو میں کہا کہ اکشے ہر لڑکی کو پروپوز کر دیتا ہے اور وہ جس رفتار سے جا رہا ہے جلد ہی وہ ممبئی کی ہر چار میں سے تین لڑکیوں کے ماں باپ کو ممی اور ڈیڈ کہہ کر پکار رہا ہو گا۔

اس سے قبل ایک انٹرویو کے دوران اداکارہ نے نام لیے بغیر کہا تھا کہ میں اپنے ایک واقف کار شخص کے ساتھ منگنی کر چکی تھی۔

انہوں نے کہا تھا کہ میں اس شخص کے ساتھ نارمل زندگی گزارنا چاہتی تھی، یہاں تک کہ میں نے اس کے کہنے پر اداکاری بھی چھوڑ دی تھی۔

اداکارہ نے بتایا کہ میں نے یہ فیصلہ بھی اس شخص کی وجہ سے کیا تھا کیونکہ اس نے کہا تھا کہ اگر تم یہ فلم انڈسٹری چھوڑ دو تو ہم شادی کر لیں گے لیکن انڈسٹری کو چھوڑنے کے بعد بھی جب اس شخص نے شادی نہیں کی تو میں واپس اپنے کام پر آگئی۔

انہوں نے کہا تھا کہ اس شخص نے ایک بار پھر کہا تھا کہ اب اگر تم یہ انڈسٹری چھوڑ دو تو ہم اسی دن شادی کر لیں گے لیکن میں نے انکار کر دیا۔

روینہ ٹنڈن نے انٹرویو میں کہا تھا کہ ہماری شادی نہیں ہوئی تھی ہاں منگنی ضرور ہوئی تھی اور وہ ہم نے ایک مندر میں کی تھی غالباً لوگوں نے ہماری اس منگنی کی تقریب کو شادی کی تقریب سمجھ لیا۔