پاکستان کی سینئر اداکارہ اسماء عباس اور اداکار منیب بٹ کی ڈانس ویڈیو نے سوشل میڈیا پر تہلکہ مچادیا۔

سوشل میڈیا کے مختلف پیجز پر ایک ویڈیو وائرل ہو گئی ہے جس میں اداکارہ اسماء عباس اور منیب بٹ کو بھارتی گانے پر شاندار ڈانس کرتے ہوئے دیکھا جاسکتا ہے۔

وائرل ویڈیو نئے آنے والے ایک پروجیکٹ کی ہے جہاں ساتھی اداکاروں کے ساتھ اسماء عباس اور منیب بٹ سیٹ پر ڈانس کرتے ہوئے نظر آرہے ہیں۔

مداحوں کی جانب سے اس ویڈیو کو بہت پسند کیا جارہا ہے اور تعریفی کامنٹس کا سلسلہ بھی جاری ہے۔

دوسری جانب منیب بٹ نے بھی یہ ویڈیو اپنے انسٹاگرام اکاؤنٹ پر شئیر کی ہے جسے مداحوں کی جانب سے بہت پسند کیا جارہا ہے اور منیب بٹ کے ڈانس کو سراہا جارہا ہے۔

اس سے قبل اداکارہ علیزے شاہ اور اداکار منیب بٹ کی  ویڈیو نے مداحوں کو کشمکش میں مبتلا کردیا تھا۔

وائرل ویڈیو میں علیزے شاہ لال رنگ کا عروسی لباس زیب تن کی ہوئی تھیں جبکہ منیب بٹ اسکن کلر کی شیروانی پہنے ہوئے تھے۔

اس ویڈیو کو دیکھنے کے بعد سوشل میڈیا صارفین کی جانب سے مختلف تبصروں کا سلسلہ جاری تھا، کچھ کا کہنا تھا کہ علیزے شاہ اور منیب بٹ کی کمیسٹری بہت اچھی ہے۔

مداحوں کا کہنا تھا کہ علیزے بہت خوبصورت ہیں اور یہ جوڑا ایک ساتھ بہت اچھا لگ رہا تھا جبکہ کچھ مداحوں نے یہ بھی کہا کہ وہ ڈراموں میں ایک خوبصورت آن اسکرین جوڑی بنا سکتے ہیں۔

کچھ صارفین کا یہ بھی کہنا تھا کہ منیب بٹ کے ساتھ علیزے کی جگہ ایمن خان کو لینا تھا تو یہ زیادہ اچھے لگتے۔