پاکستان شوبز انڈسٹری کی معروف اداکارہ شگفتہ اعجاز کی مزاحیہ ویڈیو سوشل میڈیا پر وائرل ہو گئی ہے۔

سوشل میڈیا پر وائرل ویڈیو میں دیکھا جاسکتا ہے کہ شگفتہ اعجاز جج صاحب سے کہتی ہیں کہ میں اس شخص سے اور کچھ نہیں چاہتی، بس یہ مجھے اسی حال میں چھوڑ دے جس حال میں اس کو میں ملی تھی۔

اس پر جج صاحب کہتی ہیں کہ تم اس کو کس حال میں ملی تھیں؟ شگفتہ اعجاز کہتی ہیں کہ بیوہ۔

اس ویڈیو کو اداکارہ کے مداحوں کی جانب سے بہت پسند کیا جارہا ہے۔

اس سے قبل اداکارہ کی جانب سے فوٹو اینڈ ویڈیو شیئرنگ ایپ انسٹا گرام پر اپنے فوٹو شوٹ کی چند تصاویر شیئر کی گئی تھیں۔

شئیر کی گئی تصاویر میں شگفتہ اعجاز کو مغربی لباس پہنے پوز دیتے ہوئے دیکھا گیا تھا جس میں وہ بہت خوبصورت اور دلکش نظر آ رہی تھیں۔

اداکارہ عائشہ خان نے تصاویر پر کمنٹ کرتے ہوئے لکھا کہ شگفتہ آپا، آپ بہت شاندار لگ رہی ہیں۔

اداکارہ زینب شبیر نے کمنٹ لکھا کہ کوئی تو روک لو۔

اداکار عمران اشرف نے لکھا کہ اب آپ اتنی پیاری لگیں گی تو چوہدری اینڈ سنز کا کیا قصور ہے۔

واضح رہے کہ اداکارہ شگفتہ اعجاز کا شمار پاکستان کی بہترین اداکاراؤں میں ہوتا ہے،وہ اپنے پہلے چند ڈراموں کے بعد پاکستان میں شہرت کی بلندیوں پر پہنچیں۔

شگفتہ اعجاز نے دوسری شادی کی تھی لیکن بہت سے لوگوں کا خیال ہے کہ اداکارہ کی شادی ایک بار ہوئی تھی اور ان کی 4 بیٹیاں ہیں۔