بالی ووڈ انڈسٹری کے مشہور و معروف اداکار شاہ رُخ خان نے کہا ہے  کہ خواتین سے تمیز کے دائرے میں رہتے ہوئے نرمی اور پیار سے بات کرنی چاہیے۔

ان دنوں سوشل میڈیا پر شاہ رُخ خان کا ایک انٹرویو وائرل ہو رہا ہے جس میں ان کے ساتھ اداکارہ کاجول بھی موجود ہیں۔

دورانِ انٹرویو اداکار شاہ رُخ خان نے کہا کہ میں آج کل دیکھتا ہوں کہ لڑکے لڑکیوں کو بھی لڑکوں کی طرح ہی ٹریٹ کرتے ہیں جو کہ مجھے لگتا ہے کہ بہت غلط ہے۔

انہوں نے کہا کہ میں کبھی کسی لڑکی سے یا کسی دوست سے تُو تڑاق سے بات نہیں کر سکتا، اگر مجھے کاجول کو گھر بُلانا ہوگا تو میں یہ نہیں کہوں گا  کہ تم شام 6 بجے گھر آجانا بلکہ میں بہت عام انداز میں بھی یہی کہہ سکوں گا کہ ’کاجول پلیز کوشش کر کے شام 6 بجے گھر آجانا۔

ان کا کہنا تھا کہ عورتوں کو عورتوں کی طرح ٹریٹ کرنا چاہیے ان سے بےحد عزت، نرمی اور پیار سے بات کرنی چاہیے۔