بالی ووڈ اداکار ہریتک روشن کی اپنی گرل فرینڈ صبا آزاد کے ساتھ نئی تصاویر سوشل میڈیا پر وائرل ہوگئی ہیں۔

ویسے تو اکثر ہی مختلف تقریبات میں دونوں ساتھ ہی شرکت کرتے ہیں لیکن حال ہی میں اس جوڑی کو ممبئی میں میک اپ آرٹسٹ وجے پالنڈے کی منگنی کی تقریب میں دیکھا گیا۔

سوشل میڈیا پر وائرل تصاویر میں دیکھا جاسکتا ہے کہ رتیک روشن اور صبا آزاد دونوں نے سفید لباس زیب تن کیا ہوا ہے۔

ان تصاویر کو مداحوں کی جانب سے بہت پسند کیا جارہا ہے اور تعریفوں کا سلسلہ بھی جاری ہے۔

اس سے قبل صبا آزاد اور ہرتیک روشن چھٹیاں منانے کی غرض سے بیرون ملک گئے تھے، ان کی بھارت واپسی کے بعد یہ خبریں زور پکڑ گئیں کہ یہ جوڑا بہت جلد شادی کے بندھن میں بندھ رہا ہے۔

بھارتی میڈیا رپورٹ کے مطابق ہریتک روشن اور صبا آزاد خوشگوار تعلقات میں ہیں ،وہ دونوں ایک دوسرے کے ساتھ بہت خوش ہیں،یہاں تک کہ صبا آزاد کے ہرتیک روشن کے دونوں بچوں کے ساتھ بھی بہت اچھے تعلقات ہیں۔

صبا آزاد اور ہرتیک کے شادی کے بندھن میں جلد ہی بندھنے کی خبروں کے حوالے سے  اس جوڑے کا کہنا تھا کہ ہم ایک دوسرے کے ساتھ بہت خوش ہیں اچھا وقت گزار رہے ہیں لیکن فی الحال ہمارا شادی کرنے کا کوئی اردہ نہیں ہے۔

واضح رہے کہ صبا آزاد اور ہرتیک روشن کے تعلق کے حوالے سے خبریں عروج پر اس وقت پہنچیں جب دونوں نے ایک ساتھ بالی ووڈ کے نامور پروڈیوسر اور ہدایت کار کرن جوہر کی سالگرہ کی تقریب میں‌ شرکت کی۔