پاکستان شوبز انڈسٹری کی مشہور و معروف اداکارہ حمیمہ ملک نے کہا ہے کہ میں  بھارتی اداکار عمران ہاشمی کے ساتھ کام کرنے پر بالکل شرمندگی نہیں ہوں۔

حال ہی میں اداکارہ نے اپنے دیئے گئے ایک انٹرویو میں اپنی آنی والی نئی فلم ’دی لیجنڈ آف مولا جٹ‘ سمیت بھارت میں کام کرنے سے متعلق بھی کھُل کر باتیں کیں۔

اداکارہ نے بتایا کہ دی لیجنڈ آف مولا جٹ میں وہ مرکزی کردار نوری نتھ کی بہن کا کردار ادا کر رہی ہیں جس کا نام ’دارو نتھ‘ ہے۔

انہوں نے کہا کہ اُن کا کردار کافی مضبوط اور اہم ہے، فلم کے ڈائریکٹر نے شروع دن ہی سے اُس کردار کے لیے مجھے چنا تھا، اس فلم میں ہو سکتا ہے کہ میرا کوئی رومناوی سین بھی ہو۔

دورانِ انٹرویو حمیمہ ملک نے بھارت میں عمران ہاشمی کے ساتھ کی گئی فلم ’راجہ نٹوَر لال‘ سے متعلق بات کرتے ہوئے بتایا کہ میں ایک اداکار ہوں، ایک اداکار ایک کردار ادا کر رہا ہوتا ہے، اُسے جو کہا جاتا ہے وہ بن جاتا ہے۔

انہوں نے کہا کہ اس فلم میں ایسا کوئی رومانوی سین نہیں تھا جس پر میں شرمندہ ہوں، میں نے عمران ہاشمی کے ساتھ کام کیا میں اُس پر بھی شرمندہ نہیں ہوں۔

معروف اداکارہ کا کہنا تھا کہ اُس وقت مجھے اس بات کا علم نہیں تھا کہ میری پاکستانی عوام مجھ سے کس قسم کا کام چاہتی ہے اور اس فلم کے بعد میرے ساتھ کیسا رویہ اختیار کیا جائے گا۔

انہوں نے مزید کہا کہ میں نے عمران ہاشمی کے ساتھ فلم کی، میں نے بہت انجوائے کیا، وہ ایک بہت اچھا انسان ہے۔