بھارت کی مشہور اداکارہ دیپیکا پڈوکون نے ہالی ووڈ انڈسٹری سے متعلق شرمناک انکشافات کیے ہیں۔

حال ہی میں اداکارہ نے اپنے ایک انٹرویو میں بتایا کہ انہیں امریکا میں نسل پرستی کا سامنا کرنا پڑتا ہے۔

  دیپیکا پڈوکون نے کہا کہ مجھ سے اکثر میرے مداح پوچھتے ہیں کہ میں نے ہالی ووڈ فلموں میں زیادہ کام کیوں نہیں کیا میں انکو جواب دیتی ہوں کہ جب بھی میں امریکا جاتی ہوں تو کوئی بھی ایسی بات ہو جاتی ہے جو مجھے پریشان کر دیتی ہے۔

اداکارہ نے کہا کہ میری ملاقات ایک ہالی ووڈ اداکار سے ہوئی تو اس نے مجھ سے کہا کہ آپ بہت اچھی انگلش بول لیتی ہیں، پہلے مجھے ان کا کہنا سمجھ میں نہیں آیا لیکن بعد میں مجھے احساس ہوا کہ اس نے مجھ پر طنز کیا ہے۔

انہوں نے کہا کہ وہاں کے لوگ اپنی باتوں اور رویوں سے یہ جتلاتے ہیں کہ ان کے علاوہ لوگ اپنی دنیا کے بارے میں کچھ نہیں جانتے۔