پاکستان کی نامور گلوکارہ حدیقہ کیانی کی والدہ خاور کیانی انتقال کرگئی ہیں۔

حدیقہ کیانی نے انسٹاگرام پر اپنی والدہ کے ساتھ ایک تصویر شیئر کرتے ہوئے اس خبر کی تصدیق کی ہے۔

انہوں نے تصویر شئیر کرتے ہوئے لکھا کہ ان کی والدہ سکون کے ساتھ اس دنیا سے رخصت ہوئی ہیں۔

گلوکارہ نے ساتھ ہی لوگوں سے اپیل کی کہ اس تکلیف دہ موقع پر ان کی فیملی کی پرائیویسی کا احترام رکھا جائے۔

حدیقہ کیانی کی اس پوسٹ پر سوشل میڈیا صارفین کی جانب سے افسوس کا اظہار کیا جارہا ہے اور ساتھ ہی ان کی والدہ کی مغفرت کیلئے دعائیں بھی کی جارہی ہیں۔

واضح رہے کہ حدیقہ کیانی کی والدہ خاور کیانی کافی عرصے سے بیمار تھیں۔