بھارت کی مشہور اداکارہ نورا فتیحی جب سے اپنی دلبر پرفارمنس سے شہرت حاصل کی ہے تب سے وہ اپنے ڈراپ ڈیڈ خوبصورت انداز اور قاتل ڈانس کی وجہ سے پذیرائی حاصل کر رہی ہیں۔

حال ہی میں معروف اداکارہ نے اپنے انسٹاگرام اکاؤنٹ کا رخ کیا جہاں انہوں نے ایک ویڈیو شیئر کی جس میں انہیں ساحل سمندر پر ’کال می ایوری ڈے‘ گانے پر ڈانس کرتے پوئے دیکھا جاسکتا ہے۔

ویڈیو میں دیکھا جاسکتا ہے کہ نورا فتیحی کے ساتھ ان کے دو دوست بھی ہیں جو ان کے ساتھ ڈانس کر رہے ہیں۔

اداکارہ کی ویڈیو سوشل میڈیا پر وائرل ہوئی تو کسی نے ان کی خوب تعریفیں کی تو کسی نے انہیں لباس کی وجہ سے شدید تنقید کا نشانہ بنایا۔

واضح رہے کہ اس سے قبل نورا  فتیحی کو دہلی پولیس کے اقتصادی جرائم ونگ نے سوکیش چندر شیکھر پر منی لانڈرنگ کے الزام میں طلب کیا تھا، جو کہ جبری وصولی اور لوگوں کو دھوکہ دینے کے الزام میں جیل میں بند ہیں۔