پاکستان کے نمبر ون چینل ’’بول انٹرٹینمنٹ‘‘ کے مشہور پروگرام ’’دی انسٹا شو‘‘ میں اس مرتبہ منفرد انداز رکھنے والے اداکار، میزبان اور نامور کامیڈین مصطفیٰ چوہدری میزبان متھیرہ کے مہمان بنے۔

پروگرام کی یہ قسط آن ائیر ہوتے ہی چھا گئی ، جس میں ناظرین کو متھیرہ اور مہمان مصطفیٰ چوہدری کے درمیان ہونے والی طنز و مزاح پر مبنی گفتگو بے حد پسند آئی۔

بول نیٹ ورک کی جانب سے پروگرام کا یہ ہٹ شو اپنے یوٹیوب چینل پر بھی جاری کیا گیا ہے، جس میں میزبان متھیرہ اپنے مہمان سے مختلف شخصیات کی آواز نکالنے کا مطالبہ کرتی ہیں جو مصطفیٰ چوہدری بخوبی ادا کرتے نظر آئے۔

یوٹیوب اور ٹی وی کے مقبول ترین کامیڈین اور میزبان تابش ہاشمی کو بھی متھیرہ نے طنز ومزاح میں پیچھے چھوڑتے ہوئے سب کو لاجواب کر دیا۔

شو پر اِک نظر۔۔۔

کلپ میں جیسا کہ دیکھا جا سکتا ہے کہ شو کے آغاز میں دونوں ایک دوسرے کے لیے تعریفی کلمات ادا کرتے ہیں جس کے بعد میزبان متھیرہ ، اپنے مہمان مصطفیٰ چوہدری کی اسٹائلنگ کو لے کر ان کے ساتھ مذاق کرتی ہیں جس سے مصطفیٰ چوہدری خوب محظوظ ہوئے۔

متھیرہ نے انسٹاگرام پر اپنی پوسٹ میں لکھا ’’میری پسندیدہ شخصیت مصطفیٰ چوہدری کے ساتھ ’’دی انسٹا شو‘‘ ۔‘‘

انہوں نے لکھا ’’سچ بتاؤں تو مجھے مصطفیٰ چوہدری کے ساتھ پروگرام کرنے میں بے حد مزا آیا، یہ انتہائی دلچسپ اور مزاحیہ پروگرام ہوگا جو سب کو پسند آئے گا لہذا یہ شو ضرور دیکھئے گا۔‘‘

دوسری جانب سوشل میڈیا صارفین کی جانب سے متھیرا کی اس پوسٹ پر دلچسپ تبصرے بھی دیکھنے کو ملے۔