دوست کی شادی میں مختلف گانوں پر ڈانس کر کے راتوں رات وائرل ہونے والا یہ گروپ آج پوری دنیا میں مشہور ہے۔

کچھ دن قبل ایک گروپ نے اپنے دوست کی شادی کی تقریب میں پاکستانی اور بالی ووڈ کے گانوں پر منفرد ڈانس کر کے راتوں رات شہرت کی بلندیوں کو چھو لیا۔

اس گروپ کا تعلق ناروے سے ہے اور اسے کسی اور نے نہیں بلکہ پاکستانی نژاد جڑواں بھائیوں سلیمان ملک اور بلال ملک نے بنایا ہے جس کا نام کویک اسٹائل ہے۔

اس گروپ میں ان کے بچپن کے دوست ناصر سیری خان بھی شامل ہیں جوکہ تھائی نژاد نارویجن شہری ہیں جبکہ یہ گروپ شہرت کی بلندیوں تک پاکستانی کوک اسٹوڈیو کے گانے ” کانا یاری “ اور بالی ووڈ گانے ” کالا چشمہ “ پر شاندار ڈانس سے پہنچا ہے۔

آج کل یہ گروپ دبئی کی روشنیوں میں بلند و بانگ عمارتوں کے سامنے اپنی ویڈیوز بنا کر پوسٹ کر رہا ہے۔

حال ہی میں کویک اسٹائل نے دبئی سے اپنی نئی ویڈیو شیئر کی ہے جسے مداحوں کی جانب سے بہت پسند کیا جارہا ہے۔