ہالی ووڈ کی معروف اداکارہ انجلینا جولی نے سابق شوہر بریڈپٹ سے متعلق شرمناک انکشاف کیا ہے۔

 غیر ملکی میڈیا کے مطابق اداکارہ انجلینا جولی نے سابق شوہر کی جانب سے بدسلوکی کے الزامات کی تفصیل عدالت میں پیش کردی ہے۔

اداکارہ نے تفصیلات میں بتایا کہ 2016 میں ایک پرواز کے دوران بریڈ پٹ نے ان کا سر پکڑ کر جھنجھوڑا، پھر ان کے ایک بچے کا گلا گھونٹا اور دوسرے بچے کو مارا۔

   یہاں ہم آپ کو بتاتے چلیں کے14 ستمبر 2016 میں انجلینا جولی اور ان کے سابق شوہر بریڈ پٹ کے درمیان نجی پرواز میں بدسلوکی کا واقعہ پیش آیا تھا۔

واضح رہے کہ47 سالہ عالمی ایوارڈ یافتہ اداکارہ اور ہدایتکار انجلینا جولی اور 58 سالہ اداکار بریڈپٹ نے 2014 میں شادی کی تھی جو اختلافات کے باعث کامیاب نہ ہو سکی۔

بعدازاں انجلینا جولی نے 2016 میں بریڈ پٹ سے علیحدگی کے لیے درخواست دائر کی تھی جس پر عدالت نے 2019 میں فیصلہ سنایا۔