بھارتی فلمساز فرح خان نے شاہ رخ خان کی اہلیہ گوری خان سے متعلق اہم انکشاف کردیا ہے۔

بھارتی میڈیا رپورٹس کے مطابق فرح خان، گوری خان کے شو میں مدعو تھیں جس میں فرح خان نے اپنی اور گوری خان کی ملاقات کے حوالے سے گفتگو کی۔

انہوں نے کہا کہ گوری سے ان کی پہلی ملاقات 1991 میں شادی کے دوسرے روز گوا میں ہوئی تھی اور تب سے اب تک دونوں اچھے دوست ہیں۔

ان کا کہنا تھا کہ ہماری دوستی کو اب تک 32 برس بیت چکے ہیں اور آج بھی گوری خان بالکل ’مڈل کلاس پنجابی لڑکی‘ کی طرح ہی ہیں۔

فرح خان نے کہا کہ کامیابی، پیسے اور شہرت نے انہیں مغرور نہیں بنایا، وہ آج بھی یاروں کی یار ہیں۔

واضح رہے کہ گوری خان ان دنوں ایک منفرد شو ’ڈریم ہومز‘ کی مزبانی کر رہی ہیں جس میں وہ مختلف بالی ووڈ شخصیات کے گھر کو ڈئزائن کر کے اسے نیا لُک دیتی ہیں۔