پاکستان کی معروف اداکارہ انمول بلوچ نے اپنے کیرئیر سے متعلق اہم انکشاف کیا ہے۔

حال ہی میں اداکارہ انمول بلوچ نے اپنے ایک انٹرویو میں انکشاف کیا کہ جب انہوں نے اپنے کیرئیر کا آغاز کیا تو انہیں اپنے ڈائریکٹرز کی جانب سے بہت ڈانٹ پڑتی تھی۔

انہوں نے کہا کہ میں شوٹ سے گھر واپس جا کر بہت روتی تھی کیونکہ انہیں یہ کہا جاتا تھا کہ آپ کو اداکارہ صرف اس لیے نہیں بنا سکتے کہ آپ خوبصورت ہیں۔

بعدازاں اداکارہ انمول بلوچ نے سخت محنت کی اور اب وہ انڈسٹری کی چند مشہور اداکاراؤں میں شامل ہیں۔

  اس سے قبل اداکارہ نے اپنے ایک انٹرویو میں اپنے پاکستان شوبز انڈسٹری میں قدم رکھنے سے متعلق انکشاف کیا تھا کہ وہ سوشل میڈیا سے اداکارہ بنی ہیں۔

انہوں نے کہا تھا کہ مجھے اداکاری کا شوق تھا لیکن اداکاری کرنا نہیں آتی تھی۔

 انمول بلوچ نے کہا تھا کہ میں نے فیس بک پر آئی ڈی بنائی اور اس پر ایکٹریس لکھ دیا، آئی ڈی پر اپنی کچھ تصاویر بھی لگا دیں۔

 اداکارہ نے کہا تھا کہ ایک دن میرے پاس پاکستان شوبز کے ہدایتکار محسن مرزا کی جانب سے کال آئی جس میں انہوں نے کہا کہ میرا ایک پروجیکٹ چل رہا ہے اور اس میں مجھے ایک کردار کو نبھانے کیلئے ایکٹریس کی ضرورت ہے، مجھے لگتا ہے کہ آپ وہ کردار نبھا لیں گی۔

  انمول بلوچ نے کہا تھا کہ پہلے میں سمجھی کہ کوئی مذاق کر رہا ہے، پھر میں نے انکی پروفائل دیکھی، انہوں نے کافی پروجیکٹ کیے ہوئے تھے۔

اداکارہ نے کہا تھا کہ کال کے بعد میں نے امی سے پوچھا تو انہوں نے انکار کر دیا لیکن میں نے انکی مخالفت کی اور پھر محسن مرزا سے رابطہ کیا اور پوچھا کہ کہاں آنا ہے جس پر انہوں نے کہا کہ گھر آجائیں۔

انمول بلوچ نے کہا تھا کہ محسن مرزا کی یہ بات سن کر میں تھوڑا گھبرا گئی تھی لیکن جب میں نے انسے مزید سوالات کیے تو انہوں نے مجھے سمجھایا کہ بیٹا میرے گھر میں شوٹ بھی ہوتا ہے اور آگے جو پروجیکٹ کر رہا ہوتا ہوں اس کی سکرپٹ ریڈنگ بھی ہوتی ہے آپ یہاں آ جاؤ۔

انہوں نے کہا تھا کہ محسن مرزا سے بات کرنے کے بعد میں انکے گھر اپنی والدہ کے ساتھ گئی تھی اور وہیں سے میرا یہ سفر شروع ہوا۔