مشہور ترکش سیریز ’ارطغرل غازی‘ میں حلیمہ سلطان کا اہم کردار ادا کرنے والی ترک اداکارہ ایسرا بلگیچ اکثر سوشل میڈیا پر اپنی تصاویر اور ویڈیوز شیئر کرتی رہتی ہیں لیکن کئی بار انہیں تنقید کا بھی سامنا کرنا پڑتا ہے۔

حال ہی میں معروف اداکارہ نے اپنے انسٹاگرام اکاؤنٹ کا رخ کیا جہاں انہوں نے ایک تصویر شیئر کی جسے دیکھتے ہی صارفین نے انہیں آڑے ہاتھوں لے لیا۔

ایسرا بلگیچ کی جانب سے شیئر کی گئی تصویر میں دیکھا جاسکتا ہے کہ انہوں نے گلابی رنگ کا انتہائی شرمناک لباس زیب تن کیا ہوا ہے اور بالوں کو کھلا چھوڑا ہوا ہے۔

ترک اداکارہ کی یہ تصویر سوشل میڈیا پر وائرل ہوئی تو صارفین کی جانب سے ملے جلے ردعمل دیکھنے کو ملے کسی نے ان کی خوب تعریف کی تو کسی نے انہیں لباس کے چناؤ پر شدید تنقید کا نشانہ بنایا۔

واضح رہے کہ ایسرا بلگیچ نے حلیمہ سلطان کے کردار سے شہرت پائی اور اپنی اداکاری سے مداحوں کے دل جیتے۔