پاکستانی اداکارہ عروہ حسین نے ڈرامہ رائٹر خلیل الرحمٰن قمر کے معافی مانگنے کی وجہ بتادی۔

اداکارہ نے نجی ٹی وی چینل کے ایک شو میں بطور مہمان شرکت کی، اس دوران انہوں نے بتایا کہ خلیل الرحمٰن نے انہیں لائیو شو میں سخت تنقید کا نشانہ بنانے کے بعد خود آکر گلے لگا کر معافی مانگی تھی۔

عروہ حسین نے بتایا کہ ہم دونوں میں فلم کی شوٹنگ کے درمیان ایک  تنازع ہوا تھا جس کے بعد خلیل الرحمٰن قمر نے  ٹی وی چینل پر بیٹھ کر مجھے سخت تنقید کا نشانہ بنایا۔

بعدازاں وہ خود میرے پاس آئے اور گلے لگا کر معافی مانگی اور کہا کہ آپ میری بیٹی ہیں۔

اداکارہ کا کہنا تھا کہ میں نے انہیں معاف کردیا مگر ایک بات میں نے ان سے کی تھی کہ آپ نے تنقید تو ٹی وی پر بیٹھ کر کی اور معافی اکیلے میں مانگ رہے ہیں۔

واضح رہے کہ عروہ کے ساتھ کام کرنے کو خلیل الرحمٰن قمر نے اپنی زندگی کا سب سے خوفناک تجربہ قرار دیا تھا۔