پاکستان کے مایہ ناز کامیڈین عمر شریف کو ہم سے بچھڑے ایک برس بیت گیا ہے۔

عمر شریف عارضہ قلب اور دیگر مختلف بیماریوں میں مبتلا تھے جس کے بعد وہ  2 اکتوبر 2021 کو جرمنی میں 61 سال کی عمر میں انتقال کر گئے تھے۔

معروف کامیڈین 19 اپریل 1960 کو کراچی میں پیدا ہوئے، انہوں نے 1974 میں 19 سال کی عمر میں اسٹیج پرفارمر کے طور پر اپنے کیریئر کا آغاز پورٹ سٹی سے کیا۔

1980 میں پہلی بار انہوں نے آڈیو کیسٹ سے اپنے ڈرامے ریلیز کئے، پاکستان کے ساتھ ساتھ عمر شریف، ہندوستان میں بھی کافی مقبول ہیں، انہوں نے تقریباً 5 دہائیوں تک شوبز میں کام کیا ہے اور درجنوں، ڈراموں، اسٹیج تھیٹرز اور لائیو پروگرامز میں پرفارم کیا۔

عمر شریف کے مقبول اسٹیج ڈراموں میں دلہن میں لے کر جاؤں گا، سلام کراچی، انداز اپنا اپنا، میری بھی تو عید کرا دے، نئی امی پرانا ابا، یہ ہے نیا تماشا، یہ ہے نیا زمانہ، یس سر عید نو سر عید، عید تیرے نام، صمد بونڈ 007، لاہور سے لندن، انگور کھٹے ہیں، پٹرول پمپ، لوٹ سیل، ہاف پلیٹ، عمر شریف ان جنگل، چوہدری پلازہ وغیرہ شامل ہیں۔

عمر شریف کی خدمات کے عوض انہیں نگار ایوارڈ اور تمغہ امتیاز سمیت کئی اعزازات سے نوازا گیا۔

مرحوم وہ واحد اداکار تھے جنہوں نے ایک سال میں چار نگار ایوارڈ حاصل کئے جبکہ انہیں تین گریجویٹ ایوارڈز بھی ملے۔

یاد رہے کہ پاکستان کے مایہ ناز کامیڈین عمر شریف کو کراچی میں عبد اللہ شاہ غازی کے مزار کے احاطے میں دفن کیا گیا ہے۔