بالی ووڈ کی معروف اداکارہ دپیکا پڈوکون نے والدین کے ہمراہ پیرس فیشن ویک میں شرکت کی۔

 حال ہی میں اداکارہ نے والدین کے ہمراہ پیرس فیشن ویک میں شرکت کی، جس کی ویڈیو سوشل میڈیا پر وائرل ہو گئی ہے۔

دپیکا پڈوکون کے مداح بہت خوش ہیں کہ انہوں نے والدین کے ہمراہ  بین الاقوامی ایونٹ میں شرکت کی۔

اس سے قبل اداکار رنویر سنگھ اور دیپکا پڈوکون کی علیحدگی کی خبروں کے بعد دونوں نے ایک دوسرے کے لیے محبت کا اظہار کیا تھا۔

رنویر سنگھ نے سوشل میڈیا کی فوٹو اور ویڈیو شیئرنگ ایپ انسٹاگرام پر اپنی تصویر شیئر کی تھی جس پر دپیکا پڈوکون نے’مزیدار’ کا کمنٹ کیا۔

جس کے بعد رنویر سنگھ نے بھی دپپکا کو پیار بھرے ایموجی بھیج دیے جو کہ اس بات کی طرف واضح اشارہ کرتے ہیں کہ یہ جوڑی ابھی بھی ایک ساتھ ہے۔

دوسری جانب ایک مشہور نجومی پنڈت جگناتھ گروجی نے معروف جوڑی سے متعلق چند پیشگوئیاں کیں۔

اُنہوں نے کہا کہ رنویر سنگھ اور دیپیکا پڈوکون کی علیحدگی سے متعلق سامنے آنے والی خبر درست نہیں ہوگی۔

ان کا کہنا تھا کہ یہاں میں آپ کو بتاتا چلوں کہ یہ افواہ بالکل بے بنیاد ہے، اس کے درمیان علیحدگی نہیں ہوگی بلکہ ان کا مستقبل کافی روشن نظر آرہا ہے۔

نجومی پنڈت جگناتھ گروجی کے مطابق اس جوڑی کا آپس میں رشتہ بہت مضبوط ہے، دونوں میں ایک دوسرے کے لیے افہام و تفہیم اور ہمدردی کا احساس موجود ہے اور اسی وجہ سے ان کے ارد گرد کا ماحول کافی مثبت اور خوشگوار رہتا ہے۔

اُنہوں نے کہا کہ رنویر اور دیپیکا کافی عرصے سے بچوں کے بارے میں بھی منصوبہ بندی کر رہے ہیں لیکن اس جوڑے کو اولاد کی خوشی ملنے میں ابھی کچھ وقت مزید لگے گا۔

ان کا کہنا تھا کہ ممکنہ طور پر آپ کو اس جوڑے کی طرف سے 2024ء میں ایسی خوشخبری سننے کو مل سکتی ہے۔

نجومی پنڈت جگناتھ گروجی کے مطابق رنویر اور دیپیکا دونوں اپنے آپ کو کام میں مصروف رکھنا زیادہ پسند کرتے ہیں اور ایک دوسرے کی ذاتی زندگی میں زیادہ مداخلت نہ کرنے پر یقین رکھتے ہیں اور ان دونوں کی اسی خوبی کی وجہ سے ان کا شمار کامیاب شادی شدہ جوڑوں میں ہوتا ہے۔