پاکستان کی مشہور اداکارہ زارا نور عباس کی نئی تصاویر سوشل میڈیا پر وائرل ہو گئی ہیں۔

حال ہی میں پاکستان کی مشہور اداکارہ نے اپنے انسٹاگرام اکاؤنٹ پر تصویر اور ویڈیوز پوسٹ کی ہیں جنہیں دیکھنے کے بعد مداح کشمکش میں مبتلا ہو گئے ہیں۔

اداکارہ ان دنوں کینیڈا میں موجود ہیں اور وہاں سے خوبصورت قدرتی مناظر کی ویڈیوز اپنے مداحوں کے ساتھ شیئر کر رہی ہیں۔

اس سے قبل اداکارہ زارا نور عباس اور اداکارہ عروہ حسین ٹورانٹو میں سیر سپاٹوں میں مصروف تھیں۔

زارا نور عباس کی جانب سے انسٹاگرام پر ایک ویڈیو پوسٹ کی گئی تھی جس میں عروہ حسین کو بھی دیکھا گیا تھا ۔

ویڈیو میں اداکارہ کہتی ہیں کہ ہم ٹورانٹو میں موجود ہیں اور کیاکنگ کے لیے جارہے ہیں۔

کیاکنگ کرتے ہوئے زارا نور کو بہت ڈر لگا اور وہ انسٹرکٹر سے ساحل پر واپس لے جانے کو کہہ رہی تھیں۔

گزشتہ دنوں زارا نور عباس نے مداحوں کو شادی سے متعلق اہم مشورہ دیا تھا۔

اداکارہ نے ایک شو میں بطور مہمان شرکت کی، جہاں ناظرین کو ازدواجی زندگی کے بارے میں چند اہم مشورے بھی دیے۔

اُنہوں نے کہا کہ اگر آپ شادی سے صرف رومانٹک ڈنر چاہتے ہیں تو شادی کرنے کے بارے میں ہرگز نہ سوچیں۔

اداکارہ کا کہنا تھا کہ لیکن اگر آپ ایک خاندان کی ذمے داری قبول کرنے اور اس  کی قدر کرنے کے لیے تیار ہیں تو شادی کرنے کے بارے میں ضرور سوچیں۔

زارا نور عباس نے کہا کہ آپ کو پہلے یہ جاننا چاہئیے کہ آپ زندگی میں کیا چاہتے ہیں اور آپ کی ترجیحات کیا ہیں، پھر اس کے مطابق فیصلہ کریں۔

       واضح رہے کہ اداکارہ زارا نور عباس اس وقت ہونے والے ایوارڈ شو 2022 میں شرکت کے لیے ٹورانٹو میں موجود ہیں۔