پاکستان میوزِک انڈسٹری کے معروف گلوکار علی سیٹھی کے منفرد لباس پر سوشل میڈیا صارفین نے دلچسپ تبصرے شروع کردئیے۔

گلوکار کی جانب سے فوٹو اینڈ ویڈیو شئرنگ ایپ انسٹاگرام پر ’ٹائم 100 گالا‘ سے اپنی کچھ تصاویر اور ویڈیوز شیئر کی گئی ہیں، جس میں انہوں نے ’ٹائم 100 گالا‘ کی انتظامیہ کا شکریہ ادا کیا۔

علی سیٹھی نے ’ٹائم 100 گالا‘ میں شرکت کرنے کے لیے جس لباس کا انتخاب کیا ہے وہ کافی عجیب و غریب ہے، جس پر سوشل میڈیا صارفین کی جانب سے دلچسپ تبصرے کیے جارہے ہیں۔

ایک صارف نے گلوکار کا موازنہ بھارتی اداکارہ سونم کپور سے کردیا جبکہ دوسرے صارف نے علی سیٹھی کو پاکستان کا رنویر سنگھ قرار دے دیا۔

یاد رہے کہ کوک اسٹوڈیو میں علی سیٹھی اور گلوکارہ شَہہ گِل کی جانب سے گائے گئے گانے پسوڑی کو دنیا بھر میں خوب پزیرائی ملی ہے۔