پاکستان شوبز انڈسٹری کی ابھرتی ہوئی اداکارہ دنانیر مبین کی ڈانس ویڈیو نے سوشل میڈیا پر تہلکہ مچادی۔

دنانیر مبین نے اپنے انسٹاگرام اکاؤنٹ پر ایک ویڈیو پوسٹ کی ہے جس میں انہیں بہن کے ہمراہ ڈانس کرتے دیکھا جاسکتا ہے۔

وائرل ویڈیو کو مداحوں کی جانب سے بہت پسند کیا جارہا ہے اور مختلف تبصروں کا سلسلہ بھی جاری ہے۔

اس سے قبل دنانیر نے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی تھی جس میں اداکارہ کو بہن کے ساتھ شکاگو میں مختلف مقامات پر موج مستیاں کرتے ہوئے دیکھا گیا تھا۔

گزشتہ دنوں دنانیر مبین شکاگو ساؤتھ ایشین فلم فیسٹیول میں شریک ہوئی تھیں جہاں اداکارہ گوتم بھی موجود تھیں، اس دوران دونوں حسیناؤں نے ریڈ کارپیٹ پر اپنی خوبصورتی کے جلوے بکھیرے۔

دنانیر مبین بھارتی اداکارہ یامی گوتم کی بہت بڑی مداح بھی ہیں۔

اس موقع پر دنانیر نے دیسی سفید لباس کا انتخاب کیا تھا جبکہ اداکارہ گوتم نے سرخ رنگ کا خوبصورت لباس زیب تن کیا۔

سوشل میڈیا پر ایک ویڈیو  میں دونوں اداکاراؤں کو انٹرویو دیتے ہوئے دیکھا گیا تھا۔

واضح رہے کہ پاکستان کی مشہور اداکارہ دنانیر مبین سوشل میڈیا پر کافی متحرک نظر آتی ہیں اور اکثر اپنی تصاویر اور ویڈیوز شیئر کرتی رہتی ہیں۔

اداکارہ مختلف ڈراموں میں اپنی بہترین اداکارہ کے جوہر دِکھا چُکی ہیں۔