ہمیشہ کی طرح اپنے روایتی مسائی لباس میں ملبوس کلی کو بالی ووڈ کے ایک اور مشہور گانے کو اپنی آواز میں گاتے ہوئے دیکھا جا سکتا ہے۔

 سوشل میڈیا پر ایک ویڈیو تیزی سے وائرل ہو رہی ہے جس میں کلی کو بالی وڈ کا گانا گاتے ہوئے دیکھا جا سکتا ہے۔

کلی نے شاہ رخ خان اور انوشکا شرما کی ہٹ فلم رب نے بنا دی جوڑی کا خوبصورت گانا ‘تجھ میں رب دکھتا ہے’ گانے کا انتخاب کیا۔

 اس کی ویڈیو کے پس منظر میں بچے کے ساتھ کلی کو بھاری لیکن پر سکون آواز میں گانا گاتے ہوئے سنا جا سکتا ہے۔

یہ پہلا موقع نہیں ہے جب کلی نے کوئی ہندی گانا گایا ہو۔

اس سے قبل بھی  کلی پال نے ہندی گانا گایا تھا جسے سوشل میڈیا پربہت پسند کیا گیا تھا۔

کلی پال نے اپنی بہن نیما پال کے ساتھ شیرشاہ کے گانے ‘راتاں لمبیان’ گا کر بھی بہت شہرت حاصل کی تھی یہاں تک کہ سدھارتھ ملہوترا اور کیارا ایڈوانی نے بھی کلی پال کے گانے پر ردعمل دیا تھا۔