بالی ووڈ فلم انڈسٹری کے مشہور و معروف اداکار عمران ہاشمی سے اداکارہ ایشوریا رائے سے معافی مانگ لی ہے۔

ماضی میں بھارت کے متنازع شو ‘کافی وِد کرن’ کے چوتھے سیزن کی ایک قسط میں عمران ہاشمی مہمان بنے۔

پروگرام کے دوران کرن جوہر نے عمران ہاشمی سے سوال کیا کہ ‘پلاسٹک’ کا خطاب انڈسٹری میں کس کو دیں گے؟

جس پر عمران ہاشمی نے ایشوریا رائے بچن کو ‘پلاسٹک’ کہا۔

پروگرام کے بعد اس بات کو بہت اچھالا گیا اور ایشوریا رائے کے مداحوں نے عمران ہاشمی پر کڑی تنقید کی اور ان کے اس بیان کو غیر مناسب قرار دے دیا۔

جس کے بعد اداکار عمران ہاشمی نے اپنے دیے گئے ایک انٹرویو میں ایشوریا رائے کو پلاسٹک کہنے پر معافی مانگی۔

ان کا کہنا تھا کہ میرا مطلب وہ نہیں تھا جو لوگوں نے لیا، میں ایشوریا کو بے حد پسند کرتا ہوں، شو کا فارمیٹ ایسا تھا اگر میں جواب نہیں دیتا تو مجھے گفٹ ہیمپر نا ملتا، میں ہمیشہ سے ہی ایشوریا کے کام کو سراہتا آیا ہوں۔

انہوں نے کہا کہ لوگ ہمیشہ بے بنیاد باتوں کو اچھالتے ہیں، مجھے ان سے کوئی غرض نہیں۔

اداکار کا کہنا تھا کہ کرن جوہر مہمانوں کو زبردستی اس قسم کے متنازع بیانات دینے پر زور دیتے ہیں۔

واضح رہے کہ اس معاملے کے بعد ایشوریا رائے نے 2019 میں عمران ہاشمی کے ساتھ فلم کرنے سے انکار کردیا تھا۔