بالی ووڈ انڈسٹری کی سینئر اداکارہ تبسم گوول ممبئی میں دل کا دورہ پڑنے سے انتقال کرگئیں۔

بھارتی میڈیا رپورٹس کے مطابق تبسم گوول 78 سال کی عمر میں اس دنیا سے رخصت ہوئیں۔

رپورٹ میں بتایا گیا کہ اداکارہ کو 18 نومبر کی شام کو دل کا دورہ پڑا تھا جس سے وہ جانبر نہ ہوسکیں۔

واضح رہے کہ تبسم نے بطور چائلڈ آرٹسٹ اپنے کیریئر کا آغاز کیا تھا، ان کا سب سے مشہور اور مقبول شو پھول کھلے ہیں گلشن گلشن تھا جہاں وہ مشہور شخصیات کے ساتھ بات چیت کرتی تھیں۔

ان کے انٹرویوز کی پیشکش اگلے برسوں میں ہندوستانی ٹاک شوز کا نمونہ بن گئی۔

انہوں نے 1947 میں بے بی تبسم کے طور پر اپنا آغاز کیا اور ان کی شادی مشہور ٹی وی سٹار ارون گوول کے بھائی وجے گوول سے ہوئی تھی۔