” میرا دل یہ پکارے آجا“ کے گانے پر رقص کرنے والی لڑکی کے چرچے سرحد پار بھی شروع ہو گئے۔

سوشل  میڈیا پر ایک ویڈیو تیزی سے وائرل ہو رہی ہے جس میں ایک بھارتی نوجوان کو ” میرا دل یہ پکارے آجا“ پر ڈانس کرتے ہوئے دیکھا جا سکتا ہے۔

گزشتہ دنوں سے پاکستانی لڑکی کا ” میرا دل یہ پکارے آجا“ پر کیے جانے والا رقص سوشل میڈیا پر خوب وائرل ہو رہا ہے۔

یہ گانا بھارت کی معروف گلوکارہ لتا منگیشکر کا ہے جو اب اس پاکستانی لڑکی کے ڈانس کرنے کی وجہ سے مزید وائرل ہو رہا۔

فوٹو اینڈ ویڈیو شئیرنگ ایپ انسٹاگرام پر ارسلان خان نے اس ویڈیو کو دلچسپ کیپشن کے ساتھ پوسٹ کیا جو دیکھتے ہی دیکھتے وائرل ہو گیا۔

انسٹاگرام صارف ارسلان خان نے اپنی پوسٹ کی جانے والی ویڈیو میں لکھا کہ  اس لڑکی کی وائرل ویڈیو کو دیکھا تو سوچا تھوڑا نئے انداز میں ایک ویڈیو بنا ہی لوں۔

ارسلان خان کی اس ویڈیومیں خاص بات ” میرا دل یہ پکارے آجا“  کے گانے پرکیے جانے والا ڈانس تو ہے ہی لیکن قابلِ غور بات یہ ہے کہ ارسلان نے بھی ہو بہ ہو وہ ہی رنگ پہنا ہے جو اس گانے کی وائرل کوئن گرل نے پہنا ہوا تھا۔

تاہم مہندی رنگ کا لباس زیب تن کیئے دھیما دھیما رقص کرنے والی اس نوجوان لڑکی کا نام ”عائشہ “ ہے۔

عائشہ کا تعلق لاہور شہر سے ہے تاہم انہیں گھومنے کا بھی کافی شوق ہے جس کے باعث ان کے انسٹاگرام پر دی گئی تصاویر پاکستان کے شمالی علاقہ جات کی زیادہ ہیں ۔

عائشہ کی جانب سے اپنی سہیلی کی مہندی کی تقریب میں کیا گیا رقص اس وقت سوشل میڈیا صارفین کی توجہ کا مرکز بنا ہو ا ہے اور بہت سے لوگ اس گانے پر رقص کرنے کی ویڈیوز بنا رہے ہیں۔

عائشہ دراصل انسٹاگرام پر زیادہ ایکٹو نہیں رہتیں لیکن وہ اپنی روزانہ کی زندگی کے بارے میں ٹک ٹاک پر اکثر شیئرنگ کرتی رہتی ہیں۔

واضح رہے کہ  انسٹاگرام پر عائشہ کے فالورز کی تعداد 2 لاکھ کے قریب ہے جبکہ انہوں نے 14 پوسٹ ہی شیئر کی ہیں شادی کے موقع پر بنایا گیا کلپ اب تک3 ملین سے زائد بار دیکھا جا چکا ہے جو اب تک سوشل میڈیا پر ٹرینڈ کر رہا ہے۔