پاکستان شوبز انڈسٹری کی سینئر اداکارہ میرا نے کہا ہے کہ دی لیجنڈ آف مولا جٹ میں مائرہ خان کا کردار تو مجھے ملنا چاہیے تھا۔

حال ہی میں اپنے دیے گئے ایک انٹرویو میں اداکارہ میرا جی نے مائرہ خان کو کڑی تنقید کا نشانہ بنایا اور کہا کہ دی لیجنڈ آف مولا جٹ میں وہ مائرہ سے بہتر اداکاری کر سکتی تھیں۔

انہوں نے کہا کہ میں نے پاکستان کی میگا بجٹ فلم دی لیجنڈ آف مولا جٹ دیکھی ، مجھے فلم میں فواد خان کا کردار تو بے حد پسند آیا لیکن میں فلم میں مائرہ خان کی اداکاری سے بالکل متاثر نہیں ہوئی۔

یہ بھی پڑھیں: ہالی وڈ کے معروف اداکار نے ڈیٹ آفر کی؛ اداکارہ میرا کا انکشاف

ان کا کہنا تھا کہ مائرہ خان سے بہتر اداکاری تو میں خود کر سکتی ہوں، مائرہ خان نے فلم میں بہت ہی ناگوار پنجابی بولی ہے۔

واضح رہے کہ اداکارہ میرا انسٹاگرام پر کافی متحرک نظر آتی ہیں اور اپنی نت نئی تصاویر اور ویڈیوز مداحوں کے ساتھ شئیر کرتی رہتی ہیں جسے بہت پسند بھی کیا جاتا ہے۔