معروف ڈراما ساز خلیل الرحمٰن قمر نے اپنی اہلیہ کو طلاق یافتہ خواتین کے ساتھ دوستی نہ رکھنے کا مشورہ دے دیا ہے۔

حال ہی میں اپنے دیے گئے ایک انٹرویو میں ڈرامہ نگار خلیل الرحمان قمر کا کہنا تھا کہ میں نے اپنی بیگم کو طلاقہ یافتہ خواتین کے ساتھ دوستی رکھنے سے منع کر رکھا تھا۔

انہوں نے کہا کہ میں نے اپنی بیوی کو ایسی خواتین سے دوستی رکھنے سے اس لئے نہیں روکا کہ وہ غلط عورتیں ہیں بلکہ وہ میری بیوی کا بسا گھر دیکھ کر پریشان ہوسکتی تھیں اس لئے میں نے منع کیا۔

یہ بھی پڑھیں: کماتا ضرور ہوں مگر پیسے کا حساب کتاب اہلیہ رکھتی ہیں، خلیل الرحمٰن قمر

ان کا کہنا تھا کہ جب میری شادی ہوئی تو میری بیوی اس وقت بہت کم عمر تھی، اسی لئے میں نے اُسے یہ مشورہ دیا تھا اور تاکید کی کہ جب وہ باشعور ہوجائے تو پھر وہ دوستی رکھ سکتی ہے۔

خلیل الرحمان قمر نے مزید کہا کہ میرے اس بیان پر لوگ اعتراض کریں گے لیکن میں ان کا جواب دینے کیلئے بھی تیار ہوں۔

یہ بھی پڑھیں: خلیل الرحمٰن قمر نے عروہ حسین سے معافی کیوں مانگی؟ اداکارہ نے بتادیا