بھارت کی معروف اداکارہ رمبھا کینیڈا کے صوبے اونٹاریو میں کار حادثے میں بچوں سمیت زخمی ہوگئیں۔

بھارتی میڈیا کے مطابق اداکارہ نے اپنے آفیشل انسٹاگرام اکاؤنٹ پر حادثے کی تصاویر شیئر کرتے ہوئے بتایا ہے کہ ہماری گاڑی کو دوسری گاڑی نے ٹکر ماری تھی۔

انہوں نے اپنی پوسٹ میں بتایا کہ حادثہ اس وقت پیش آیا، جب میں بچوں کو اسکول سے واپس گھر لے کر آرہی تھی ، اور ہم سب معمولی زخمی ہوئے ہیں۔

اداکارہ نے مداحوں سے دعاؤں کی درخواست کی ہے۔

واضح رہے کہ اداکارہ رمبھا بالی ووڈ فلم جڑوا، بندھن، کیونکہ میں جھوٹ نہیں بولتا سمیت کئی فلموں میں اداکاری کرچکی ہیں۔