پاکستان شوبز انڈسٹری کی مشہور اداکارہ سبیکا امام اکثر سوشل میڈیا پر اپنی نت نئی تصاویر شیئر کرتی رہتی ہیں لیکن کئی بار انہیں اپنے بولڈ انداز کی وجہ سے سخت تنقید کا سامنا کرنا پڑتا ہے۔

حال ہی میں معروف اداکارہ کی چند تصاویر سوشل میڈیا پر وائرل ہوئیں جنہیں دیکھنے کے بعد صارفین نے اداکارہ کو آڑے ہاتھوں لے لیا۔

وائرل تصاویر میں دیکھا جاسکتا ہے کہ سبیکا امام نے سیاہ رنگ کا انتہائی غیر مناسب مغربی لباس زیب تن کیا ہوا ہے اس کے علاوہ سبیکا امام کی سفید رنگ کے لباس میں بھی کچھ نازیبا تصاویر وائرل ہوئیں۔

سبیکا امام کی یہ تصاویر سوشل میڈیا پر وائرل ہوئیں تو صارفین کی جانب سے سخت تنقید دیکھنے کو ملی کسی نے انہیں لباس کے چناؤ کی وجہ سے تنقید کا نشانہ بنایا تو کسی نے ان کے اس انداز کو بے شرمی قرار دیا۔

واضح رہے کہ سبیکا امام نے ’شیر دل‘، ’جلیبی‘، ’کوئن‘ اور کئی مشہور فلموں میں اپنی اداکاری کے جوہر دکھائے۔