پاکستان کے معروف اداکار منیب بٹ کا کہنا ہے کہ میں نے ایمن کو کام کرنے سے کبھی نہیں روکا۔

حالیہ انٹرویو کے دوران منیب بٹ سے میزبان نے سوال کیا کہ کیا آپ نے ایمن کو کام کرنے سے منع کیا ہے؟ کیونکہ کچھ لوگوں کا کہنا ہے کہ آپ نے ایمن خان کو کام کرنے سے روکا ہے۔

جواب میں منیب بٹ نے کہا کہ یہ مجھ پر الزام ہے کہ میں نے ایمن کو شادی کے بعد کام کرنے سے روکا ہے۔

انہوں نے کہا کہ ایمن سپر اسٹار ہیں، وہ جب چاہیں کام کر سکتی ہیں، نہ وہ میرے منع کرنے سے کام رک سکتی ہیں، اور نہ میں انہیں منع کر سکتا ہوں۔

منیب بٹ کا کہنا تھا کہ میں کبھی ایمن خان کو کام کرنے سے روکوں گا بھی نہیں، میں اور ایمن اس قسم کے پارٹنر نہیں ہیں کہ ایک دوسرے کے لیے روک ٹوک کریں۔

اداکار نے کہا کہ ایمن خان کو کام کرنے کی ضرورت ہی نہیں ہے، وہ مزے سے اپنی زندگی جی رہی ہیں۔