پاکستان کرکٹ ٹیم کے سابق کپتان اور مایہ ناز بلے باز شعیب ملک اور ان کی اہلیہ ثانیہ مرزا کے درمیان طلاق کی افواہیں سوشل میڈیا پر آگ کی مانند پھیل رہی ہیں۔

شعیب ملک اور ثانیہ مرزا کی شادی کو 12 سال ہو چکے ہیں اور ان کا ایک بیٹا بھی ہے جس کا نام ازہان مرزا ملک ہے۔

انٹرنیٹ پر اس جوڑے کی علیحدگی کی افواہیں پھیلی ہوئی ہیں۔ ان کی شادی 2010 میں ایک انتہائی متنازعہ منظر نامے میں ہوئی جس میں ایک اور خاتون نے شعیب ملک پر پہلی شادی کرنے کا الزام لگایا تھا۔

ثانیہ مرزا کے انسٹاگرام اپ ڈیٹس نے ان کے الگ ہونے کی افواہوں کو جنم دیا۔

 کچھ میڈیا پلیٹ فارمز نے اب طلاق کی افواہوں کو ایک اور زاویہ دیا ہے۔

رپورٹس میں بتایا گیا ہے کہ شعیب ملک اور ثانیہ مرزا کے پیچھے پاکستان کی معروف اداکارہ عائشہ عمر ہیں جن کے ساتھ شعیب ملک نے بولڈ فوٹوشوٹ کروایا۔

یاد رہے کہ شعیب ملک نے پاکستان کی خوبصورت اور معروف اداکارہ ہانیہ عامر کے ساتھ بھی فوٹو شوٹ کروایا تھا جس کی بنا پر صارفین کہہ رہے ہیں کہ یہی وجہ ہے کہ دونوں الگ ہوگئے۔

یاد رہے کہ حال ہی میں یہ جوڑا دبئی میں چھٹیاں گزارنے گیا جہاں انہوں نے اپنے بیٹے کی سالگرہ منائی جس کی تصاویر شعیب ملک نے اپنے انسٹاگرام اکاؤنٹ پر شیئر کی لیکن ثانیہ مرزا نے نہیں کی۔

ثانیہ مرزا نے بیٹے اذہان کے ساتھ ایک تصویر بھی شیئر کی جس میں لکھا ہے کہ اس کے بیٹے کے ساتھ لمحات اسے مشکل ترین وقت سے گزرنے میں مدد کرتے ہیں۔

ثانیہ مرزا اپنے سوشل میڈیا پر مشکل وقت کے بارے میں پوسٹس شیئر کرتی رہی ہیں۔

شعیب ملک اور ثانیہ مرزا نے ابھی تک اس بارے میں کچھ نہیں کہا لیکن صارفین  افواہوں پر رد عمل کا اظہار کر رہے ہیں۔