بھارت کی معروف اداکارہ سوناکشی سنہا کا کہنا ہے کہ موٹاپے کی وجہ سے بہت مذاق اڑایا جاتا تھا۔

حال ہی میں بھارت کی معروف اداکارہ سوناکشی سنہا نے اپنے ایک انٹرویو کے دوران کہا کہ ان کی والدہ انہیں مسلسل وزن کم کرنے کا کہتی تھیں۔

انہوں نے کہا کہ انہیں موٹاپے کے حوالے سے گھر میں کافی مذاق کا نشانہ بنایا جاتا رہا ہے اور ایسا کوئی اور نہیں بلکہ میری والدہ کرتی رہی ہیں۔

  سوناکشی سنہا نے کہا کہ اصل میں بچے کی کنڈیشننگ گھر سے شروع ہوتی ہے، لیکن جب کسی کو اس حوالے سے مسلسل کچھ کہا جائے تو پھر اس کا نتیجہ الٹا نکلتا ہے، یہی کچھ میرے ساتھ ہوا اور والدہ کی سرزنش کی خلاف ورزی کو میں نے ضد بنالیا۔

واضح رہے کہ حالیہ فلم ڈبل ایکس ایل میں سوناکشی سنہا نے اپنا وزن بڑھایا تھا اور اس سے پہلے اپنی پہلی فلم دبنگ کے لیے وزن 95 کلوگرام سے 65 کلوگرام کیا تھا۔