پاکستان کی معروف ٹک ٹاکر و یوٹیوبر ربیکا خان نے کہا ہے کہ اُنہیں اپنی ماہانہ کمائی سے متعلق کچھ معلوم نہیں۔

حال ہی میں ٹک ٹاکر ربیکا خان نے بول ٹی وی پر متھیرا کے شو میں شرکت کی جہاں انہوں نے اپنی مصروفیات اور مستقبل سے متعلق گفتگو کی۔

ربیکا خان کا کہنا تھا کہ اُنہیں اپنی ماہانہ کمائی سے متعلق کچھ معلوم نہیں، ہاں البتہ اُنہوں نے سوشل میڈیا کی کمائی سے بہت کچھ بنالیا ہے۔

 انہوں نے کہا کہ میں چار بھائیوں کی اکلوتی بہن ہوں اور میرے والد میرے تمام معاملات دیکھتے ہیں، میرے والد اکثر ٹک ٹاک ویڈیوز بنانے کے آئیڈیاز دیتے رہتے ہیں۔

 ربیکا خان نے کہا کہ اگر مجھے مستقبل میں بالی ووڈ سے بھی کام کی پیش کش ہوئی تو میں ضرور قسمت آزماؤں گی لیکن کوئی بولڈ کام نہیں کروں گی کیونکہ میرا ماننا ہے کہ ہر کام عزت سے کیا جانا چاہیے۔

 ٹک ٹاکر ربیکا خان کا کہنا تھا کہ مجھے بالی ووڈ اداکار سدھارتھ ملہوترا بہت پسند ہیں لیکن جب سے سنا ہے کہ وہ شادی کر رہے ہیں تو میں بہت افسردہ ہوں۔

میزبان کے ایک سوال پر ربیکا خان نے کہا کہ میں نے 15 سال کی عمر میں ٹک ٹاک پر ویڈیوز بنانا شروع کی تھیں اور اس سال 18 برس کی ہو گئی ہوں۔

ربیکا خان نے کہا کہ میں اس سال 18 برس کی ہوئی ہوں اور جب 22 سال عمر ہوجائے گی تب شادی کروں گی۔

انہوں نے کہا کہ میں نے کسی لڑکے کو نہیں دیکھ رکھا اور نہ ہی دوسرے ٹک ٹاکرز کی طرح کوئی جوڑا بنا رکھا ہے، ٹک ٹاکر حسین کو بھائی نہیں بولتی، وہ میرا دوست ہے۔

واضح رہے کہ ربیکا خان کے ٹک ٹاک پر تقریبا 80 لاکھ جب کہ انسٹاگرام پر 45 لاکھ کے قریب فالوورز ہیں، علاوہ ازیں ان کے یوٹیوب پر بھی 20 لاکھ سے زائد سبسکرائبرز ہیں۔