پاکستان کے معروف اداکار فیروز خان نے اپنی سابقہ اہلیہ علیزے سلطان پر طنز کیا ہے۔

فیروز خان نے اپنے آفیشل اکاؤنٹ انسٹاگرام پر بیٹے کے ساتھ ایک تصویر شیئر کی ہے۔

شئیر کی گئی تصویر میں اداکار کو بیٹے کے ساتھ شرارتیں کرتے ہوئے دیکھا جاسکتا ہے۔

فیروز خان نے اس تصویر پر علیزے سلطان کو طنز کا نشانہ بناتے ہوئے لکھا کہ ایسی صبح جس میں میرا بیٹا مجھ پر تشدد کر رہا ہے، ماشااللہ۔

اس پوسٹ کے وائرل ہوتے ہی سوشل میڈیا صارفین کی جانب سے ملے جلے تبصروں کا سلسلہ شروع ہوگیا۔

ایک صارف نے لکھا کہ وہ بھی کیا حسین صبح رہا کرتی ہوگی  اور اب کیا ہوگیا ، ان سے کورٹ میں ملاقات کرنی پڑتی ہے، یہ کتنا تکلیف دہ ہے کہ اپنے ہی بچوں سے ملنے کے لیے عدالت سے اجازت لینی پڑے، ایک انسان کو فیصلہ لینے سے پہلے دھیان سے سوچنا چاہئیے، اب تمام عمر ہی پچھتاوا رہ جائے گا، انسان کو سوچنا چاہیے کچھ بھی کرنے سے پہلے ساری دولت ، ساری شہرت بھی کام نہیں آئی اپنی اولاد کو اپنے سے دور کرکے صرف پچھتاوا رہ جاتا ہے۔

جبکہ بہت سے صارفین اس پوسٹ پر فیروز کو دعائیں دے رہے ہیں۔

واضح رہے کہ فیروز خان کی سابقہ اہلیہ علیزے سلطان کی جانب سے فیروز خان پر جمسانی تشدد کا الزام عائد کیا گیا تھا جس کے بعد سے شوبز کی بہت سی شخصیات نے فیروز خان پر لگنے والے الزام پر ان کے خلاف بیانات دیئے اور علیزے کا ساتھ دیا۔

فیروز خان اور ان کی سابقہ اہلیہ کے درمیان ان کے دونوں بچوں کو کسٹڈی میں رکھنے کے حوالے سے کیس عدالت میں زیر سماعت ہے۔