پاکستان شوبز انڈسٹری کی سابقہ اداکارہ صنم چوہدری نے فلم جوائے لینڈ پر پابندی لگانے کا مطالبہ کر دیا ہے۔

حال ہی میں صنم چوہدری نے سوشل میڈیا کی فوٹو اینڈ ویڈیو شئیرنگ ایپ انسٹاگرام پر ایک پوسٹ شیئر کی جس میں ان کا کہنا تھا کہ اپنے خالق کو ناراض کر کے آسکر نہ لائیں، اپنی موویز اور اپنے ٹیلنٹ پر اللہ کی لائیک لگوائیں۔

انہوں نے لکھا کہ حضرت محمد ﷺ کی اُمت سے ہونے کے ناطے ہمیں کسی بھی طرح فحاشی نہیں پھیلانی چاہیے۔

صنم چوہدری نے اپنی پوسٹ میں فلم جوائے لینڈ پر پابندی لگانے سے متعلق ہیش ٹیگ بھی استعمال کیا۔

واضح رہے کہ پنجاب حکومت نے مبینہ طور ہم جنس پرستی پر مبنی متنازعہ فلم ’جوائے لینڈ‘ کی پنجاب میں نمائش پر پابندی عائد کردی ہے۔

حکومت پنجاب کی جانب سے جاری نوٹیفکیشن میں  فلم کے پرڈیوسر سرمد سلطان کو ہدایت جاری کی گئی ہیں کہ وہ اپنی فلم ’جوائے لینڈ‘ کی نمائش پنجاب میں نہیں کرسکتے۔

محکمہ اطلاعات وثقافت کے بیان کے مطابق فلم کے حوالے سے بے حد شکایات موصول ہورہی ہیں، اسی لیے پابندی کا فیصلہ کیا گیا ہے۔

خیال رہے کہ فلم جوائے لینڈ کی کہانی ایک خواجہ سرا کی زندگی پر بنائی گئی ہے جس کو سرمد کھوسٹ اور اپوروا چرن نے پروڈیوس کیا ہے۔