بالی ووڈ میں متنازع بیان دینے والی اداکارہ کنگنا رناوت نے تبو کی اداکاری کی تعریف کردی۔

حال ہی میں اداکارہ کنگنا رناوت نے سوشل میڈیا کی فوٹو اینڈ ویڈیو شئیرنگ ایپ انسٹاگرام پر ایک اسٹوری پوسٹ کی جس میں انہوں نے بالی ووڈ کی اداکارہ تبو کو ان کی ہٹ فلموں کے لیے سراہا۔

تبو کو سراہتے ہوئے کنگنا نے کہا کہ انہوں نے حالیہ دو فلموں Bhool Bhulaiyaa 2 اورDrishyam 2 میں مرکزی کردار ادا کیا جو دونوں ہی سپر ہٹ ہوئیں۔ ان کی عمر 50 پر پہچنے کے باوجود بھی وہ اکیلے ہی فلم انڈسٹری کو بچا رہی ہیں۔

ان کا کہنا تھا کہ ان کی قابلیت اور مستقل مزاجی پر کبھی سوال نہیں اٹھایا جاسکتا مگر عمر کے اس حصے میں بھی بہترین نظر آنا اور شہرت کی بلندی کو چھونا قابلِ تعریف ہے۔

انہوں نے کہا کہ تبو کو وہ درجہ نہیں دیا جا رہا جو ایک عورت کو اس کے کام کے لیے کی گئی محنت اور مستقل مزاجی پر ملنا چاہیے۔

کنگنا رناوت کا مزید کہنا تھا کہ اس طرح کی لگن اور حوصلہ کو سراہا جانا چاہیے۔

واضح رہے کہ تبو کی نئی فلم دریشیام 2 اس وقت باکس آفس پر 36.97 کروڑ روپے کے ساتھ راج کر رہی ہے۔