پاکستان کے معروف اداکار و گلوکار  فرحان سعید اپنی سابقہ اہلیہ و اداکارہ عروہ حسین کی خوبیوں کے معترف نکلے۔

سوشل میڈیا پر اداکار کے ایک انٹرویو کا کلپ وائرل ہو گیا ہے جس میں انہوں نے بتایا کہ فلم ٹچ بٹن میں عروہ نے تن تنہا پروڈیوسر کی ساری ذمہ داریاں نبھائیں۔

فرحان سعید نے بتایا کہ میں سیٹ پر اتنا پروڈیوسر نہیں تھا، میں بہت خودغرض اداکار تھا، اپنے ٹائم پر سوجاتا تھا کیونکہ مجھے اچھا دِکھنا تھا اور اچھی اداکاری کرنی تھی جبکہ ساری ذمہ داری عروہ کی تھی۔

انہوں نے کہا کہ عروہ نے ناقابل یقین طور پر سارے مشکل کام کیے جیسا کوئی گھر کا بڑا کرتا ہے۔

یاد رہے کہ 25 نومبر کو ریلیز ہونے والی فلم ٹچ بٹن سے عروہ حسین اور فرحان سعید پروڈکشن کے میدان میں قدم رکھ رہے ہیں۔