پاکستان کی معروف اداکارہ ژالے سرحدی نے شادی کی تقریب سے وائرل ہونے والی لڑکی کے ڈانس پر دلچسپ ردعمل دیا ہے۔

گزشتہ دنوں ایک ویڈیو وائرل ہوئی تھی جس میں لڑکی کو بالی ووڈ کے گانے میرا دل یہ پکارے آجا پر مہندی کی تقریب کے دوران رقص کرتے دکھایا گیا تھا،خوبصورت لڑکی کے ہموار ڈانس مووز کو ہزاروں سوشل میڈیا صارفین نے سراہا تھا۔

ژالے سرحدی نے اس ویڈیو کو دیکھنے کے بعد مزاحیہ انداز میں کہا کہ میرا دل یہ پکارے بس کردو کانوں کے پردے پھٹ گئے ہیں۔

اداکارہ کے اس ردعمل کو ان کے مداحوں کی جانب سے بہت پسند کیا جارہا ہے۔

اس سے قبل ژالے سرحدی نے فوٹو اور ویڈیو شیئرنگ ایپ انسٹاگرام پر ایک ویڈیو شیئر کی تھی۔

شئیر کی گئی ویڈیو میں اداکارہ کو ڈائیلاگ پر لپسنگ کرتے ہوئے دیکھا گیا تھا۔

انہوں نے ویڈیو شیئر کرتے ہوئے کیپشن میں لکھا کہ قسمت کے کھیل نرالے۔

قبل ازیں ژالے سرحدی نے اسی طرح کی ویڈیو شیئر کی تھی جسے ان کے مداحوں کی جانب سے پسند کیا گیا تھا۔

یاد رہے کہ اداکارہ ژالے سرحدی انسٹاگرام پر اسی طرح کی مزاحیہ ویڈیو شیئر کرتی رہتی ہیں۔